İordaniyada da meymunçiçəyinə ilk yoluxma qeydə alınıb.

Bu barədə ölkənin Səhiyyə Nazirliyi məlumat verib.

Nazirlikdən verilən yazılı açıqlamada bildirilib ki, ötən ay bir çox Avropa ölkəsinə səfər edən otuz yaşlarında olan vətəndaşda avqustun 25-də yüksək hərarət, boğaz ağrısı, limfa düyünlərində şişlik və əzələ ağrıları kimi simptomlar əmələ gəlməyə başlayıb.

Açıqlamada xəstənin əvvəlcə boğaz iltihabı diaqnozu ilə müalicə olunduğu, lakin 5 gündən sonra üzündə və əllərində dəri qabarcıqlarının əmələ gəldiyi bildirilib. Bu gün nəticənin müsbət olduğu qeyd edilib.

Açıqlamada vəziyyətinin yaxşı olduğu və “tam sağalma” mərhələsində olduğu bildirilən xəstənin evində təcrid olunduğu bildirilib.

Endemik bir virusun səbəb olduğu nadir xəstəliklərdən biri kimi tanınan meymun poxu Konqo və Qərbi Afrika növü olaraq ikiyə ayrılır. Adətən heyvandan insana, nadir hallarda isə insandan insana keçən virus bədəndə yüksək hərarət və qaşınma qabarcıqlarına səbəb ola bilər.скачать dle 10.6фильмы бесплатно