Bakıda rüşvətə təhrik etmədə təqsirləndirilən polis əməkdaşı özünü təqsirli bilməyib

Bu gün Bakı Ağır Cinayətlər Məhkəməsində rüşvətə təhrik etmə və dələduzluqda təqsirləndirilən Zakir Məmmədovun cinayət işi üzrə məhkəmə iclası davam etdirilib.

Leqal.info-nun "Report"a istinadən xəbərinə görə, hakim Zeynal Ağayevin sədrliyi ilə keçirilən prosesdə dövlət ittihamçısı ittiham aktını elan edib.

Elan olunmuş ittiham üzrə Z.Məmmədov özünü təqsirli bilmədiyini deyib.

O, daha sonra zərərçəkmiş Elvar Xəlilovun ona şər atdığını qeyd edib.

Cinayət işində şahid qismində tanınan E.Xəlilov ifadəsində söyləyib ki, 2017-ci ildə iki nəfərin şikayəti əsasında dələduzluqda ittiham olunaraq həbs edilib.

Onun sözlərinə görə, Z.Məmmədovdan pul müqabilində həbsdən azad ediləcəyi vədini aldıqdan sonra ona 4 000 manat pul verib: "Zakir Məmmədov guya barəmdə açılmış cinayət işinə xitam verdirəcəkdi. Buna görə də bacım vasitəsilə ona 4 000 manat pul verdim. O, məni bir il süründürdü, lakin nə pulumu qaytardı, nə də işi həll etdi. Sonra Səbail rayon Polis idarəsinin sabiq müstəntiqi Vüqar Abbasova 85 000 manat pul verdim, O da bir müddətdən sonra ölkədən qaçdı".

Məhkəmənin növbəti iclası martın 7-nə təyin edilib.

İttiham aktına əsasən, Z.Məmmədov Qaradağ rayon Polis idarəsində işləyən zaman tanışı, həmin zaman həbsdə olan Elvar Xəlilov ona zəng edib. E.Xəlilov zəng edən zaman həyat yoldaşından 4 000 manat pulu götürərək onunla birgə aparıb Səbail rayon Polis idarəsinin sabiq müstəntiqi Vüqar Abbasova verməsini xahiş edib. Z.Məmmədov da onun xahişini yerinə yetirib.

Bir müddət keçəndən sonra V.Abbasov iş adamı, "Yeganə" şadlıq sarayının rəhbəri Akif Rəhimovun qəza törətmiş oğlu Rəhim Rəhimovun cinayət işi ilə bağlı vəzifəsindən kənarlaşdırılıb. O, daha sonra ölkədən qaçıb.

E.Xəlilov həbsdən çıxandan sonra Z.Məmmədovdan hüquq-mühafizə orqanlarına şikayət edib.

Z.Məmmədovun barəsində dələduzluq və rüşvətə təhrik etmə maddələri ilə cinayət işi başlanılıb. Məhkəmə qərarı ilə onun barəsində polisin nəzarətinə verilmə qətimkan tədbiri seçilib.

E.Xəlilov iş üzrə şahid qismində tanınır.

Xatırladaq ki, E.Xəlilov dələduzluqda təqsirləndirilən Səbail rayon Polis idarəsinin müstəntiqinin sabiq köməkçisi Elnur Babayevin cinayət işi üzrə zərərçəkmiş qismində tanınır. Həmin cinayət işi Bakı Ağır Cinayətlər Məhkəməsinin hakimi Eldar Mikayılovun sərədrliyi ilə araşdırılır. Bu iş üzrə iş adamı, "Yeganə" şadlıq sarayının rəhbəri A.Rəhimov da zərərçəkmiş qismində tanınır. E.Babayev A.Rəhimovdan dələduzluq yolu ilə, ümumilikdə, 52 500 manat pul alıb. O, həmin pulun qarşılığında isə A.Rəhimovun oğlu R.Rəhimovun törətdiyi ölümlə nəticələnən qəza ilə saxta rəy çıxaracağı vədi verib.скачать dle 10.6фильмы бесплатно
28-02-2019, 13:15
Baxıs: 47 684
Reyting: