Azərbaycan Türkiyədən bu silahları alır
Azərbaycan Türkiyə PUA-ları sayəsində Qarabağdakı döyüşlərdə hava üstünlüyünə tam sahiblənib.
Leqal.info xəbər verir ki, bu məlumatı “Yeni Şəfəq” qəzeti yayıb. Qəzet hazırda Azərbaycan Ordusunun arsenalında Bayraqdar TB2 PUA-larının olduğunu və bu sıraya ATAK helikopterləri və “Altay” tanklarının qatmağı istədiyini bildirib. Məlumata görə, Türkiyənin “Bayraqdar” PUA-ları Türkiyə-Ermənistan sərhədinə iyul ayında yerləşdirib. Bölgədə izləmələrə başlayan PUA-lar Ermənistanın xüsusi olaraq diqqətini cəlb edib. Nəticədə Tovuz təxribatından sonra Ermənistan ordu nümayəndələrinin təşkil etdiyi toplatıların birində Bayraqdar TB2-nin görüntüsü əsas mövzuya çevrilib. Qəzet, həmçinin fevralın 25-də Türkiyə Prezidenti Rəcəb Tayyib Ərdoğanla Azərbaycan Prezidenti İlham Əliyevin iştirakı ilə Bakıda keçirilən 8-ci Ali Səviyyəli Strateji Əməkdaşlıq Şurasının iclasında iki ölkə arasında hərbi maliyyə əməkdaşlıq anlaşmasının imzalandığını bildirib. Məhz bu razılaşma əsasında Türkiyə Azərbaycana 200 milyon lirəlik maliyyə dəstəyi göstərib. Azərbaycanın bu anlaşmadan sonra hərəkətə keçdiyi və Türkiyədən bir sıra silahları almaq istədiyi vurğulanıb. Belə ki, indiyə qədər Azərbaycanın Türkiyədən 6 ədəd Bayraqdar TB2 PUA-ları aldığı qeyd edilib. Bundan başqa “Altay” tankları və ATAK helikopterləri üçün də tərəflər arasında danışıqların aparıla biləcəyi iddia olunub. NATO üzvü olan Türkiyənin bu silahları Azərbaycana verməsində heç bir problem olmadığı yazılıb. Buna səbəb kimi adı çəkilən silahların Türkiyənin öz istehsalı olması göstərilib. |
XƏBƏR LENTİ
Bu gün, 11:38
Bu gün, 11:27
Bu gün, 10:45
Bu gün, 10:40
Bu gün, 10:40
Bu gün, 10:40
Bu gün, 10:40
