Xaricdə ola-ola 190 manatı necə alıblar?

Əmək və Əhalinin Sosial Müdafiəsi Nazirliyi xaricdə yaşayıb 190 manat birdəfəlik yardım siyahısında adı olan şəxslərin ittihamına cavab verib.

Leqal.info-nun məlumatına görə, qurumun İctimaiyyətlə Əlaqələr və Kommunikasiya Şöbəsinin rəhbəri Fazil Talıbov bildirib ki, şikayətçilərdən biri - Mirzəli Xəzər Kamil oğlunun adının birdəfəlik ödəmə alanların siyahısında olmasına baxmayaraq, ona ödəmə təyin olunması barədə SMS-in gəlməməsi yanlış məlumatdır:

“Mirzəli Xəzər Kamil oğlu 13 aprel saat 15.37-də onlayn müraciət edib. Müraciət edərkən anası – Mirzəliyeva Gülnarın adına olan telefon nömrəsini (055 321 41 ..) qeyd etdiyindən birdəfəlik ödəmə təyin olunarkən də həmin nömrəyə bu barədə sms göndərilib. Adıçəkilən şəxs 26 aprel tarixində Göycay Mərkəzi Poçtdan şəxsiyyət vəsiqəsini təqdim edərək vəsaiti götürüb”.

Bundan başqa, F. Talıbov müraciət etmədiyi halda 190 manatlıq birdəfəlik ödəmə alanlarla bağlı məsələyə də aydınlıq gətirib. Bildirib ki, həmin şəxslər vaxtilə Məşğulluq Mərkəzlərində işsiz kimi qeydiyyatdan keçiblər: “Ona birdəfəlik ödəmə təyin olunmasından təəccüblənən Emil Amiraslanov adlı şəxs əslində 2017-ci ilin aprel ayında Binəqədi rayon Məşğulluq Mərkəzinə müraciət edərək işaxtaran, daha sonra işsiz kimi qeydiyyata alınıb. Birdəfəlik ödəmə təyin olunarkən isə aprelin 1-dək işsiz kimi qeydiyyata alınmış şəxslərə onlar müraciət etmədən ödəmə təyinatı aparılıb.

Elə Elvin Quliyev də “həmkarı” Emil Amiraslanov kimi, ona 190 manat ödəmə yazılmasından təəccüblənir, halbuki həmin şəxs də 2015-ci ildə Sumqayt şəhər Məşğulluq Mərkəzinə müraciət edərək işaxtaran, daha sonra işsiz kimi qeydiyyata alınıb. 2016-cı il 1 fevral tarixindən 6 ay müddətinə 460 manat işsizlik müavinəti alıb. Aydın görünür ki, bu şəxslərin əsassız fikirləri yalan və böhtan üçün bəhanə axtarmaqdan başqa bir şey deyil”.скачать dle 10.6фильмы бесплатно
13-05-2020, 18:13
Baxıs: 14 614
Reyting: