Seninem.Az > Siyasət / Manşet Yuxarı > Koçaryan Ermənistanın sabiq prezidentlərini hakimiyyətə qarşı mübarizəyə çağırdı
Koçaryan Ermənistanın sabiq prezidentlərini hakimiyyətə qarşı mübarizəyə çağırdıTarix: 9-05-2021, 18:20. Müəllif: admin |
Ermənistanın keçmiş prezidenti Robert Koçaryan sabiq dövlət başçıları Levon Ter-Petrosyana və Serj Sarkisyana hakimiyyətə qarşı var qüvvə ilə mübarizə aparmağı təklif edib. Bu barədə "Leqal.info" Ermənistan mətbuatına istinadən xəbər verir. "Mən birinci və üçüncü prezidentlərə (Ter-Petrosyana və Sarkisyana - red.) bu hakimiyyətə qarşı mübarizə aparmağı, hər gün mübarizə aparmağı təklif edirəm və əgər mübarizə aparmaq niyyətindədirlərsə, deməli müvəffəqiyyətə nail olacağıq, bu ümumi müvəffəqiyyət olacaq", - Koçaryan "Ermənistan" seçki blokunun nümayişində deyib. Koçaryanın sözlərinə görə, bunun üçün vahid blokun formalaşması vacib deyil və o seçkilərə ayrı ittifaqla getməyə qərar verdi. "Əgər onlar (sabiq prezidentlər – red.) bütün qüvvələri ilə bu mübarizəyə daxil olsalar bunu alqışlayacağıq", - Koçaryan qeyd edib. Daha əvvəl Ermənistanın baş naziri Nikol Paşinyan bildirib ki, ölkədə növbədənkənar parlament seçkilərinin keçirilməsi üçün istefa verir. O qeyd edib ki, seçkiqabağı dövrdə hökumət başçısı vəzifələrini icrasını davam etdirəcək. Paşinyan növbədənkənar parlament seçkilərinin iyunda keçiriləcəyini elan edib. Geri Qayıt |