Seninem.Az > Kriminal / Video > Tanınmış reper Elşad Xose barəsində cinayət işi başlanıb

Tanınmış reper Elşad Xose barəsində cinayət işi başlanıb


Tarix: 28-10-2017, 11:32. Müəllif: admin
Tanınmış reper Elşad Xosenin polis tərəfindən saxlanılması rəsmən təsdiqlənib.

Leqal.info xəbər verir ki, bu barədə KİV-də gedən məlumatlarla bağlı APA-nın sorğusunu cavablandıran Daxili İşlər Nazirliyinin mətbuat xidmətinin rəis müavini Orxan Mansurzadə qeyd edib ki, oktyabrın 27-də Bakı şəhər sakini Oksana Rəsulova Binəqədi rayon Polis İdarəsinin 5-ci Polis Bölməsinə ərizə ilə müraciət edərək həmin gün saat 01.00 radələrində yaşadığı evdə keçmiş həyat yoldaşı, əvvəllər məhkum olunmuş Elşad Əliyev (Elşad Xose) tərəfindən xuliqanlıq zəminində döyüldüyünü və bıçaqla hədələndiyini deyib.

Faktla bağlı Binəqədi rayon Polis İdarəsinin istintaq şöbəsində Cinayət Məcəlləsinin 221.1-ci (xuliqanlıq) maddəsi ilə cinayət işi başlanılıb, polis əməkdaşları tərəfindən təxirəsalınmaz tədbirlər həyata keçirilib və E. Əliyev saxlanılaraq istintaqa cəlb olunub.

İstintaq orqanı tərəfindən hər iki şəxsin ifadələri alınıb, müvafiq ekspertizalar təyin olunub.

Məhkəmə tibbi ekspertizası tərəfindən O. Rəsulovanın aldığı xəsarətin yüngül dərəcəli olduğu müəyyənləşib.

Hazırda faktla bağlı başlanmış cinayət işi üzrə zəruri istintaq hərəkətləri davam etdirilir.

Qeyd edək ki, E. Xosenin O. Rəsulovanın şikayəti əsasında saxlandığı barədə ilk olaraq "Qafqazinfo" məlumat yayıb.
Tanınmış reper Elşad Xose barəsində cinayət işi başlanıbскачать dle 10.6фильмы бесплатно
Geri Qayıt