Azərbaycanla Qırğızıstan Strateji Tərəfdaşlıq haqqında Bəyannamə imzalayacaq

Azərbaycanla Qırğızıstan Strateji Tərəfdaşlıq haqqında Bəyannamə imzalayacaq.

Leqal.info xəbər verir ki, bunu Azərbaycan Respublikasının Prezidenti İlham Əliyev aprelin 20-də Qırğız Respublikasının Prezidenti Sadır Japarovla təkbətək görüşü zamanı deyib.

Azərbaycan Prezidenti Qırğız Respublikasının Prezidentinin səfərinin çox səmərəli olacağını, yaxşı nəticələr verəcəyini vurğulayıb:

"Biz bütün sahələrdə fəal qarşılıqlı əlaqə saxlamaq əzmindəyik. Əminəm ki, Sizin səfəriniz bizim münasibətlərimizin daha da möhkəmlənməsinə xidmət edəcək, çoxlu sənədlər imzalanacaq. Əlbəttə, hesab edirəm ki, həmin sənədlərdən ən əsası Strateji Tərəfdaşlıq haqqında Bəyannamədir. Bu, bizim münasibətlərimizi keyfiyyətcə yeni səviyyəyə çatdıracaq. Biz buna görə çox şadıq. Münasibətlərimizin möhkəm təməli var. Bu, xalqlarımızın qardaşlıq əlaqələridir. Bu gün biz dövlətlərarası münasibətləri belə bir möhkəm təməl üzərində, bu prinsiplər əsasında qururuq".

Dövlət başçısı vurğulayıb ki, gələn il biz diplomatik münasibətlər qurulmasının 30 illiyini qeyd edəcəyik:

"Bu, böyük tarixdir, çox iş görülüb, lakin hələ çox iş görülməlidir. Əminəm ki, həm beynəlxalq qurumlarda əməkdaşlıq çərçivəsində, həm də ikitərəfli formatda yeni nailiyyətlər, yeni nəticələr olacaq. Bu gün biz qarşılıqlı iqtisadi fəaliyyət, nəqliyyat, ölkələrimiz arasında əmtəə dövriyyəsinin artırılması və əlbəttə, müasir dünyada xüsusi diqqət tələb edən regional təhlükəsizlik məsələləri barədə ətraflı danışacağıq. Düşünürəm ki, bu məsələlərə dair fikir mübadiləsi də çox faydalı olacaq".скачать dle 10.6фильмы бесплатно
20-04-2022, 12:30
Baxıs: 32 741
Reyting: