"İki nəfərdə mobil telefon aşkarlandığı üçün imtahandan xaric edilib"
Bu gün IX sinif şagirdlərinin buraxılış imtahanı zamanı 2 nəfərdə mobil telefon aşkarlandığı üçün imtahandan xaric edilib.
"Leqal.info" xəbər verir ki, bu barədə "Report"a Dövlət İmtahan Mərkəzindən məlumat verilib. Bildirilib ki, imtahanda iştirak etmək üçün tələb olunan sənədləri qaydasında olmayan - şəxsiyyət vəsiqəsini evdə unudan, şəxsiyyəti təsdiq edən sənədin surəti ilə imtahana gələn və ya vəsiqəsində şəkli olmadığı üçün məktəbdən verilən şəkilli arayışı özü ilə gətirməyən şagirdlər də olub: "Növbəti imtahanlarda iştirak edəcək şagirdlərə bir daha xatırladırıq ki, sənədləri ilə diqqətli olsunlar. İmtahana gələrkən buraxılış vərəqəsini, şəxsiyyəti təsdiq edən sənədin əslini (şəxsiyyət vəsiqəsində şəkli olmayan şagirdlər digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa şagirdin 3x4sm ölçülü şəkli yapışdırılır və şəkil möhürlə təsdiqlənir)) gətirməyi unutmasınlar". |
XƏBƏR LENTİ
Dünən, 11:38
Dünən, 11:27
Dünən, 10:45
Dünən, 10:40
Dünən, 10:40
Dünən, 10:40
Dünən, 10:40
