allcontent xfsearchvalue falsecomments . dleusertplnotHTML info Seninem.Az > "Gelandewagen”də kasıbları təhqir edən sürücü sabiq yüksək vəzifəli şəxsin “pul yığanı” imiş
Seninem.Az > Aktual, Əsas 1, Slayd, slayd1 > "Gelandewagen”də kasıbları təhqir edən sürücü sabiq yüksək vəzifəli şəxsin “pul yığanı” imiş

"Gelandewagen”də kasıbları təhqir edən sürücü sabiq yüksək vəzifəli şəxsin “pul yığanı” imiş


Tarix: 11:16. Müəllif: arazxeber
"Gelandewagen”də kasıbları təhqir edən sürücü sabiq yüksək vəzifəli şəxsin “pul yığanı” imiş

Xəbər verdiyimiz kimi, ötən gün sosial şəbəkələrdə yüksək sürətlə hərəkət edən "Gelandewagen” markalı avtomobilin sürücüsünün aztəminatlı ailələri təhqir edən görüntüləri yayılıb.

Dərhal polis əməkdaşları tərəfindən müvafiq tədbirlər həyata keçirilib və 1985-ci il təvəllüdlü Samid Bağırov müəyyən edilərək saxlanılıb.

S.Bağırovla polis idarəsində profilaktiki söhbət aparılıb və xəbərdarlıq edildikdən sonra sərbəst buraxılıb. O, əməlindən peşman olduğunu deyərək üzrxahlıq edib.

ARAZXEBER.az bildirir ki, Bakupost.az həmin sürücü ilə bağlı bəzi maraqlı məlumatlar əldə edib.

Bəlli olub ki, 37 yaşlı S. Bağırov heç də sıradan bir nəfər deyil. Uzun müddət "Akkord” Şirkətlər Qrupunun xəzinadarı olub.

O, sabiq baş prokuror Zakir Qaralovun yaxını, daha dəqiq desək, "pulyığanı” kimi tanınıb.

Samid Bağırovun hazırda da həmin adamlarla isti münasibətinin davam etdiyi bildirilir.
Geri Qayıt