Seninem.Az > Aktual / Manşet Yuxarı > Dərslərin niyə həftədə 3 dəfə keçirilməsinə aydınlıq gətirildi
Dərslərin niyə həftədə 3 dəfə keçirilməsinə aydınlıq gətirildiTarix: 22-01-2021, 15:35. Müəllif: admin |
“Sosial mediada dərslərin niyə həftədə 3 dəfə keçirilməsi barədə suallar verilir”. Leqal.info-nun verdiyi xəbərə görə, bunu təhsil naziri Emin Əmrullayev deyib. O bildirib ki, pandemiyaya görə bir partada 2 şagird otura bilmir: “Buna görə də siniflər bölünür və artıq həftədə 5 dəfə dərs keçmək mümkün olmur. Pandemiya şəraitində ən vacib olan sıxlığın idarə olunmasıdır. Verilən qərarlar yaradıcılıqdan yox, zərurətdən yaranıb. Amma bütün məktəblərdə sıxlıq eyni deyil. Məktəblərin yarısında şagird sayı 20-dən çox deyil. Ölkədə cəmi 315 sinifdə 40-dan çox şagird var, o siniflərlə ciddi problemimiz olacaq. Amma bu siniflər ölkədəki şagirdlərin 0,4 faizini təşkil edir”. Nazir bildirib ki, 5-9-cu siniflər və orta təhsilin digər səviyyələri ilə bağlı qərarlar fevralın 8-də və ya 15-də verilə bilər. Burada tarix yoluxma statistikasından asılı olaraq dəyişəcək. Geri Qayıt |