Vətən müharibəsində yaralanan hərbçilərin sayı açıqlanıb

Azərbaycan Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə aparılan və torpaqlarımızın işğaldan azad olunması ilə nəticələnən 44 günlük Vətən müharibəsində yaralanan hərbi qulluqçuların sayı açıqlanıb.

Müdafiə Nazirliyindən “Report”un sorğusuna cavab olaraq bildirilib ki, müharibə zamanı 11 110 nəfər yaralanıb.

Qeyd olunub ki, yaralı hərbçilərin hamısına vaxtında tibbi yardım göstərilib və döyüş meydanından təxliyə olunublar.

Aprelin 14-də Müdafiə Nazirliyinin Baş Klinik Hospitalının yaradılmasının 30-cu ildönümünə həsr olunan tədbirdə çıxış edən müdafiə naziri general-polkovnik Zakir Həsənov Vətən müharibəsi zamanı yaralıların döyüş meydanından təxliyə olunması, 11 110 nəfərə tibbi yardımın göstərilməsi və tezliklə sağalması üçün əllərindən gələni edən tibb işçilərinə təşəkkürünü bildirib.

Qeyd edək ki, Vətən müharibəsində Azərbaycan Silahlı Qüvvələrinin 2908 nəfər hərbi qulluqçusu şəhid olub, 6 hərbçi itkin düşmüş sayılır.скачать dle 10.6фильмы бесплатно
14-04-2022, 20:12
Baxıs: 45 845
Reyting: