Seninem.Az > Dünya / Manşet Yuxarı > Türkiyədə Ramazanda karantin yenidən sərtləşdirilir
Türkiyədə Ramazanda karantin yenidən sərtləşdirilirTarix: 13-04-2021, 20:35. Müəllif: admin |
|
Türkiyədə Ramazan ayında koronavirusla əlaqədar qismən qapanmalara gediləcək. Leqal.info xəbər verir ki, bunu Nazirlər Kabinetinin iclasından sonra Türkiyə Prezidenti Rəcəb Tayyib Ərdoğan deyib “Ramazan ayının ilk iki həftəsində tədbirləri bir az da sərtləşdirərək, qismən qapanma tətbiq edəcəyik”, - dövlət başçısı deyib. Qismən qapanma ilə əlaqədar qəbul olunmuş qərarlar belədir: Həftəsonu küçəyə çıxma yasağı davam edərkən, həftəiçi küçəyə çıxma qadağası axşam 19:00-dan səhər 05:00-dək davam edəcək. Küçəyə çıxma qadağası saatlarında məcburi hallar istisna olmaqla, şəhərlərarası səyahətlərə icazə verilməyəcək. 65 yaşdan yuxarı-18 yaşdan aşağı .əxslərin ictimai nəqliyyatdan istifadəsinə qoyulan məhdudiyyət yenidən bərpa olunub. Tədrisdə imtahan ərəfəsində olan VIII və XII siniflərlə məktəbəqədər təhsil müəssisələri istisna olmaqla, distant formada davam edəcək. Kafe, qiraətxana, çay evləri və bənzər məkanlar fəaliyyətlərinə bayramdan sonrayadək fasilə verəcək. Yeməkxana və bənzər obyektlər Ramazan boyu çatdırılma sisteminə keçəcək. Xınayaxdı, toy, ümumi şura kimi iclaslar bayram sonrasına qədər təxirə salınır. Hotellər, sadəcə, öz müştəriləri ilə xidməti davam etdirəcəklər. Qonaqlama müəssisələri, evlərdə kütləvi iftar və bənzər fəaliyyətlər həyata keçirilməyəcək. Qadağaların tətbiqinə sabah axşamdan başlanılacaq. Geri Qayıt |