Gəncə şəhəri üzrə İcra İdarəsinin Ədliyyə müşaviri Ələmdar İbrahimov: “27 sentyabrda hər bir azərbaycanlı Şəhidlərimizi ehtiramla yad edir və “Qarabağ Azərbaycandır!”- deyir

Gəncə şəhəri üzrə İcra İdarəsinin Ədliyyə müşaviri Ələmdar İbrahimov: “27 sentyabrda hər bir azərbaycanlı Şəhidlərimizi ehtiramla yad edir və “Qarabağ Azərbaycandır!”- deyir

27 sentyabr Azərbaycanda Anım Günüdür.
“Ölkəmizin Prezidenti İlham Əliyevin “Azərbaycan Respublikasında Anım Gününün təsis edilməsi haqqında” imzaladığı 2 dekabr 2020-ci il tarixli Sərəncamına əsasən hər il Vətən müharibəsinin başlandığı 27 sentyabr tarixi Azərbaycanda Anım Günü kimi qeyd olunur.
Bu münasibətlə Gəncə Şəhər icra İdarəsinin rəis müavini, kiçik ədliyyə müşaviri Ələmdar Murquz oğlu İbrahimov və həmin idarənin böyük icra məmuru, birinci dərəcəli ədliyyə qulluqçusu Cahid Cəfər oğlu Qasımov başda olmaqla, idarənin bir qrup əməkdaşları tərəfindən “Gəncə Şəhidlər Xiyabanında dəfn olunan” şəhidlərimizin əziz xatirəsi dərin ehtiramla bir dəqiqəlik sükutla yad edilib.
Əlamdar İbrahimov şəhidlərin ailələrinə baş sağlığı verərək xatırladıb ki:
“Əziz həmvətənlər! Sentyabr 27-də erməni Silahlı Qüvvələri cəbhənin bir neçə istiqamətində hərbi mövqe və yaşayış məntəqlərimizi müxtəlif növ iriçaplı silahlardan müntəzəm olaraq atəşə tutdu. Azərbaycan ordusu bu təxribatın qarşısını aldı, onlara layiqli cavab verdi, torpaqlarımızın azad edilməsi uğrunda Vətən müharibəsinə başladı.
2020-ci ilin oktyabr ayında isə Azərbaycanın ikinci böyük şəhəri Gəncə Vətən müharibəsi dövründə Ermənistan Silahlı Qüvvələri tərəfindən ilk raket və ağır artilleriya hücumuna məruz qaldı. Belə ki, erməni təcavüzkarları çoxmənzilli yaşayış binaların günahsız mülki insanlarını hədəfə almaqla, burada müharibə cinayətləri törətmişdirlər.
Nəticədə düşmənin təxribatının qarşısını alarkən Qarabağ torpaqlarımızın azadlığı uğrunda canından keçən neçə-neçə Mübarizlər, Poladlar kimi qəhrəman igid oğullarımız şəhid olub Şəhidlik məqamına ucaldı.
Şəhidlik tariximizi qanları ilə yazan oğulların hər biri canımızın bir parçası, ürəyimizin sönməz odudurlar. Bu cahan durduqca, Azərbaycan müstəqil yaşadıqca, Şəhidlərimiz də, əbədi yaşayacaq!
Qüdrətli Azərbaycan dövləti erməni faşizmi üzərindəki 44 günlük Vətən müharibəsini böyük zəfər, unudulmaz tarixi qələbə ilə başa vurdu.
Bəli, 30 illik Vətən həsrətində olan Qarabağ torpaqlarımızın işğaldan azad olması tarixi hadisədir.
İllərdir ki, həsrətində olduğumuz torpaqlara qayıtmaq arzusu, xəyalı ilə yaşamaq… “Vətən” deyə-deyə bir gözümüzlə gülsək də, bir gözümüzlə hər zaman ağlamaq…
Biz fəxr edirik ki, düşmən üzərində qələbənin qazanılmasında əhəmiyyətli dərəcədə rolu olan Azərbaycanın Milli Ordusu var. Azərbaycan Ordusu öz qüdrətini bir daha bütün dünyaya nümayiş etdirdi. Bəli ordumuzun əsgər və zabitlərinin əzmkarlığı, igidliyi, rəşadəti nəticəsində tarixi qələbəyə nail olduq.
Qələbə xalqımızın 30 illik torpaq həsrətinə son qoydu.
Bu bir faktdır ki, əldə etdiyimiz şanlı qələbə Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi, yenilməz, rəşadətli Azərbaycan Ordusunun şücaəti və qəhrəmanlığı sayəsində qazanıldı.
Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi altında Rəşadətli Ordumuzun bəxş etdiyi bu möhtəşəm Qələbənin sevincini hər bir azərbaycanlı bu gün qürur hissi ilə yaşayır.
Əlbəttəə, qazandığımız bu tarixi nailiyyətlərə görə Ali Baş Komandana, onun rəhbərliyi altında bizləri qələbə ilə sevindirən Azərbaycan Ordusunun hərbiçilərinə, vətən uğrunda canından keçən qeyrətli, cəsur oğullarına, şəhidlərinə bir ömür boyu minnətdar olacağıq.
Bu gün hər bir Azərbaycan vətəndaşı şəhidlərimizi ehtiramla yad edir və “Qarabağ Azərbaycandır”- deyir.
Bir daha tarixi Zəfərimiz və Şanlı Qələbəmiz mübarək olsun! Yaşasın qalib Azərbaycan Prezidenti və Müzəffər Azərbaycan Ordusu!"

Ələmdar Murquz oğlu İbrahimov
Gəncə şəhəri üzrə İcra İdarəsinin rəis müavini, kiçik ədliyyə müşaviri

Gəncə şəhəri üzrə İcra İdarəsinin Ədliyyə müşaviri Ələmdar İbrahimov: “27 sentyabrda hər bir azərbaycanlı Şəhidlərimizi ehtiramla yad edir və “Qarabağ Azərbaycandır!”- deyir

Təqdim etdi:
Aybəniz Abdulova,
Azərbaycan Jurnalistlər Birliyinin Üzvü,
Yazar, araşdırmaçı-jurnalist.скачать dle 10.6фильмы бесплатно
26-09-2022, 11:43
Baxıs: 416
Reyting: