allcontent xfsearchvalue falsecomments . dleusertplnotHTML info Özəl universitetlər təhsili deyil, pulu seçiblər - Tədrisdə acınacaqlı vəziyyət » www.ARAZXEBER.az Araz Xəbər Agentliyi

Özəl universitetlər təhsili deyil, pulu seçiblər - Tədrisdə acınacaqlı vəziyyət

Özəl universitetlər təhsili deyil, pulu seçiblər - Tədrisdə acınacaqlı vəziyyət

Pandemiya dönəmində ödənişli təhsil alan tələbələr universitetlərə pulu təhsil almaq üçün deyil, imtahanlardan keçmək üçün verirlər...

Təhsil eksperti: “Mövcud vəziyyətə görə universitetlərin distant təhsili lap pis vəziyyətə düşüb”.

“Hər hansı sahə və fənn üzrə şagirdlərin bilik, bacarıqları olduqca aşağı olacaq”.

Bu sözləri təhsil eksperti Elçin Əfəndi mövcud vəziyyətə görə təhsil sistemində gözlənilən problemləri qeyd edib.

Pandemiyalı dönəmində ödənişli təhsil sistemində ciddi problemlər ortaya çıxıb. Xüsusən özəl universitetlər tələbələrdən tam ödəniş almalarına baxmayaraq, demək olar ki, tədrislə məşğul olmurlar. Distant dərslər isə elə keçirilir ki, keçirilməsə daha yaxşıdır. Ödənişli oxuyan tələbələrin böyük əksəriyyəti isə tədris olunan mövzulardan demək olar ki, xəbərsiz olsalar da imtahanlardan keçəcəklərinə əmindirlər. Sanki pandemiya dönəmində ödənişli təhsil alan tələbələr universitetlərə pulu təhsil almaq üçün deyil, imtahanlardan keçmək üçün verirlər.

Qeyd edək ki, pandemiya dönəmində ödənişli təhsildə imtahanlardan demək olar ki, kəsilən tələbə olmayıb. Bu barədə bizimlə danışan tələbələrdən biri bildirdi ki, tələbələr arasında imtahanlarla bağlı tam arxayınlıq yaranıb. Çünki kəsilməlıər olarsa, tələbələrin də universitetlərə çoxlu iradları ortaya çıxa bilər və hazırda qalmaqal heç bir özəl universitetə sərf eləmir. Yəni özəl universitetlər təhsili deyil, pulu seçdiiklərinə görə tədris ikinci plana keçib və bu da sonucda sadəcə diplom almağı hədəfləyənlər üçün yaxşı fürsət kimi dəyərləndirilir. Onlar düşünür ki, hazırkı vəziyyətdə pulu təhsil almağa görə deyil, imtahanlardan keçmək üçün verirlər.

Bu vəziyyət faktiki olaraq Azərbaycanda yeni savadslz nəslin formalaşmasına yol açdığını nəzərə alarsaq, onda bu problemin həlli necə görünür?

Mövzunu Arazxeber.az-ın əməkdaşı təhsil eksperti Elçin Əfəndi ilə müzakirə edib.

Elçin Əfəndi: “Yeganə çıxış yolu odur ki, müvafiq dövr ərzində tətil elan edilsin”.

Mövcud müharibə şəraitini və internetin olmamağını nəzərə alıb bir ay tətil elan edilməsini vacib bilən ekspert bildirib ki, buna görə də Təhsil Nazirliyi tədrisi müddətinin iyunun 14-də deyil, iyulun 14-də başa çatması ilə bağlı qərar qəbul etməlidir:

“Tək koronavirus pandemiyasına görə distant təhsilə keçid olanda universitetlər heç də yaxşı təhsil verə bilmirdilər. İndi isə ölkədə müharibə şəraiti ilə bağlı internet problemi var. Mövcud vəziyyətə görə isə universitetlərin distant təhsili lap pis vəziyyətə düşüb. Yəni tələbələrin dərslərdə iştirak edə bilməmələri ciddi sıxıntılar yaradır. Təəssüflər olsun ki, bu ciddi sıxıntılar qarşıdakı vaxtlarda fəsadlar verəcək.

Hər hansı sahə və fənn üzrə şagirdlərin bilik, bacarıqları olduqca aşağı olacaq. Bu da o deməkdir ki, gələcəkdə həmin sahə üzrə mütəxəssislərin yetişməsində, kadr hazırlığında biz ciddi sıxıntılarla rastlaşacağıq.

Yeganə çıxış yolu odur ki, müvafiq dövr ərzində tətil elan edilsin. Yəni mövcud müharibə şəraitini və internetin olmamağını nəzərə alıb bir ay tətil elan etmək lazımdır. Təhsil Nazirliyi isə tədris müddətinin iyunun 14-də deyil, iyulun 14-də başa çatması ilə bağlı qərar qəbul etməlidir:”.
10:43
Baxıs: 4000
Reyting: