Paşinyan xalq məhkəməsi qarşısına çıxmalı olduğunu etiraf etdi

Ermənistanın baş naziri Nikol Paşinyan xalq məhkəməsi qarşısına çıxmağa hazır olduğunu, bunun cəmiyyət və siyasi qüvvələrlə birlikdə dialoq şəraitində baş verməli olduğunu bildirib.

Leqal.info xəbər verir ki, Paşinyan bu barədə bu gün keçirdiyi mətbuat konfransında açıqlama verib.

Onun sözlərinə görə, əvvəlki hökumətin nümayəndələri Qarabağla bağlı danışıqlar prosesində ərazi güzəştlərinə razılaşdıqlarına görə cavab verməlidir.

Paşinyanın sözlərinə görə, mövcud vəziyyətdən məsul olan və xalqın qarşısına çıxmalı olan məhz odur: "Bununla birlikdə, lazımi nəticələr çıxarmaq üçün ictimaiyyət bütün detallardan xəbərdar olmalıdır. Bunun üçün isə ordunu, müxalifəti və hökuməti dinləmək lazımdır".

İşğalçı ölkənin baş naziri bildirib ki, o, 2018-ci ilin may ayında hakimiyyətə gəldikdə danışıqlar prosesi artıq Azərbaycanın xeyrinə dəyişmişdi: "Belə ki, danışıqlar prosesində statusun müəyyənləşdirilməsi olmadan ərazi güzəştlərinin konturları açıq şəkildə qeyd olunmuşdu".

Paşinyan qeyd edib ki, burada üç yol var: Ya bu insanlar Peyğəmbərdir, ya Paşinyan hökuməti xəyanətkardır, ya da ki, Serj Sarkisyan və tərəfdarları danışıqlar prosesinin hansı nöqtəyə gəldiyini və Ermənistan qarşısında hansı qaçılmaz tələblərin qoyulduğunu bilirdilər.

“Mən bu məntiqi dəyişdirmək istədim. Təəssüf ki, müvəffəq ola bilmədik. Çünki ərazilərin təslim edilməsi barədə fikir birliyi artıq bütün beynəlxalq ictimaiyyətdə formalaşmışdı. Bu konsensusu dəyişə bilmədik. Bəlkə vəziyyəti səhv qiymətləndirdik. Ancaq nə edə bilərdik? Bununla barışardıq? Mən bunu istəmədim, buna görə də Ermənistanın döyüş qabiliyyətini artırmaq üçün əlimdən gələni etməyə çalışdım” ,-deyə Paşinyan bildirib.скачать dle 10.6фильмы бесплатно
16-11-2020, 17:27
Baxıs: 19 972
Reyting: