Seninem.Az > Aktual / Manşet Yuxarı > "Tərtər işi" ilə bağlı daha 163 şəxs müəyyən edilərək zərərçəkmiş qismində tanınıb, ümumi say 281-ə çatıb
"Tərtər işi" ilə bağlı daha 163 şəxs müəyyən edilərək zərərçəkmiş qismində tanınıb, ümumi say 281-ə çatıbTarix: 9-02-2022, 14:00. Müəllif: admin |
|
Ötən müddət ərzində işgəncəyə və digər qanunsuz əməllərə məruz qalan 163 yeni şəxs müəyyən edilərək zərərçəkmiş şəxs qismində tanınmaqla işin halları üzrə tam, hərtərəfli dindirilib. Bu barədə Leqal.info-ya Baş Prokurorluğun Mətbuat Xidmətindən məlumat verilib. Bildirilib ki, onların məhkəmə-tibbi ekspertizadan keçirilmələri təmin edilib. Beləliklə, işgəncə faktları üzrə əvvəlki istintaq zamanı zərərçəkmiş kimi tanınmış şəxslərlə birlikdə cinayət işləri üzrə hal-hazıradək ümumilikdə 281 zərərçəkmiş şəxs müəyyən edilmişdir. İş üzrə zərərçəkmiş şəxslərin müəyyən edilərək dindirilməsi prosesi davam etdirilir. 2017-ci ilin may-iyun aylarında dövlətə xəyanət faktlarının araşdırılması ilə əlaqədar isgəncəyə, fiziki və ya psixi təsirə, digər qanunsuzluqlara məruz qalan, habelə qanunsuz olaraq azadlıqdan məhrum edilən, lakin zərərçəkmiş şəxs qismində tanınmayan şəxslərdən Baş Prokurorluğun “961” Çağrı Mərkəzi, habelə 012-361-16-47 nömrəli telefonla əlaqə saxlanılaraq dindirilmələrindən ötrü istintaqa gəlmələri xahiş olunur. Geri Qayıt |