allcontent xfsearchvalue falsecomments . dleusertplnotHTML info Sirli qətl: İsmayıllıda yandırılmış və vəhşi heyvanların gəmirdiyi kişi meyiti tapılıb » www.ARAZXEBER.az Araz Xəbər Agentliyi

Sirli qətl: İsmayıllıda yandırılmış və vəhşi heyvanların gəmirdiyi kişi meyiti tapılıb

Sirli qətl: İsmayıllıda yandırılmış və vəhşi heyvanların gəmirdiyi kişi meyiti tapılıb İsmayıllı rayonu Tubikənd kəndinin ərazisində yandırılmış və vəhşi heyvanlar tərəfindən sümüyünə qədər gəmirilmiş kişi cəsədi tapılıb.
Bu barədə oxu.az-a rayonun hüquq-mühafizə orqanlarından məlumat verilib.
Martın 28-də yerli sakinlərdən biri kənd yolunun yaxınlığında yerləşən meşə zolağında insan cəsədi aşkar edib.
Ehtimal olunur ki, şəxsiyyətihələlik məlum olmayan 30-40 yaşlarındaolan kişi qəsdən qətlə yetirilib. Cinayət meyitin aşkar edilməsindən bir həftə əvvəl törədilib.
İstintaqın qənaətinə görə, qətlə yetirilən şəxs yerli sakin deyil. Cinayət başqa yerdə törədilib, daha sonra cəsəd Tubikənd kəndinin ərazisinə atılıb.
Qətlin hansı formada həyata keçirildiyi hələ təyin edilməyib.
Sözügedən bölgədə itkin düşmüş şəxslərin məlumat bazasının yoxlanılması da nəticə verməyib.
Qeyd edək ki, insan cəsədinin tapıldığı yerin yaxınlığında yanmış "Dolge Gabana” emblemli cins şalvar, "Calvin Klein” markalı dəri kəmər, açıq mavi rəngli, içərisi açıq qəhvəyi rəngli xəzdən ibarət parça gödəkçə, qara rəngli "Kiton” firmasına məxsus toxunma zolaqları olan köynək olub.
Əməliyyatçılar ehtimal edir ki, geyim əşyaları qətlə yetirilən şəxsə məxsusdur.
Vəhşi heyvanların cəsədin üzünü gəmirməsi öldürülən insanın şəxsiyyətini müəyyənləşdirməyə mane olur. Öldürülən şəxsin xüsusi əlaməti kimi qoyulma üç qabaq dişlərini qeyd etmək olar.
Öldürülən şəxsin boyu 165-180 sm arasındadır, qan qrupu üç müsbətdir.
Xatırladaq ki, 25 iyul 2018-ci ildə İsmayıllı rayonunun Namazgah kəndinin ərazisində naməlum şəxsin qismən çürümüş cəsədi aşkar edilib.
Cəsədi Namazgah kəndində yaşayan Elşad Atayev və Elməddin Babayev tapıb.
Dağlıq ərazidə ölən bu şəxs də yerli sakin olmayıb. Onun əynində "Marc O'Polo” brendinə məxsus keyfiyyətli parçadan hazırlanan pencəyin olması şəxsin şəhər sakini olması qənaəti yaradır.
Qeyd edək ki, qətlin istintaqı İsmayıllı Rayon Prokurorluğundaaparılıb.
Polis əməkdaşları xahiş edirlər ki, bu şəxslər haqqında məlumatı olanlar (+99450) 280-45-00 nömrəsinə zəng edərək, ölən adamım şəxsiyyətini müəyyən etməkdə köməklik göstərsinlər.
14:27
Baxıs: 4640
Reyting: