Ukrayna Prezidentinin Ofisi NATO-nu ittiham edib

“NATO Ukraynanın hava məkanını bağlamır, kənarda dayanır. Nəticədə 10 milyon insan qaçmağa yer axtarır. 3 milyon insan artıq xaricə gedib. Bu, Avropada humanitar fəlakətdir”.

Leqal.info xəbər verir ki, bunu Ukrayna Prezidenti Ofisi rəhbərinin müşaviri Mixail Podolyak BBC-yə müsahibəsində deyib.

“Biz NATO-nun üzvü deyilik, amma Avropada müharibə gedir. Rusların nə deməsindən asılı olmayaraq, onları biz təhrik etməmişik. Bu gün milyonlarla insan evlərini tərk edir. Bu, başa düşüləndir. Çünki şəhərlərimizə raket atılır. Biz isə NATO-ya deyirik: gəlin, səmanı bağlayaq. Bu, dinc əhaliyə qarşı soyqırımın qarşısının alınması üçün vacibdir. Biz NATO-nun proseslərə müdaxilə etməsini istəmirik. Amma Alyans Avropanın təhlükəsizliyi baxımından humanitar problemlərin həllinə kömək etməlidir”, - o bildirib.

M.Podolyakın fikrincə, NATO Rusiyanın aqressivliyinin qarşısını almaqdan ötrü daha intensiv addımlar atmalıdır.скачать dle 10.6фильмы бесплатно
22-03-2022, 13:27
Baxıs: 46 063
Reyting: